常嚐食•深燒堂 (已結業)

今日去睇完玩具，想去食燒物，行過呢條街，見到呢間串燒店，咁就入去試試佢。花甲粉第一次食呢樣食物，蜆肉鮮甜夠肉地，湯汁蒜香味濃，好食。魷魚燒得剛好，微焦煙靭，特登無揀到額外醬汁，都夠味。牛仔骨估唔到佢份量十足，牛味好夠，肉質淋滑，鎖住肉汁，不錯。免治骨棒市面較少見既肉串，本身已經好食，外脆內軟，還配上蛋更顯特別。推薦。安格斯牛粒牛味濃郁，生熟度恰好。翠玉瓜清甜多汁兼厚身雞腿肉肉身好滑，雞皮微焦，好味，送酒一流。