更多
2009-08-26
79 瀏覽
25-8-2009被各方食友的菜肉雲吞相片吸引了, 呢日 dinner 專程嚟到天后試試.先嚟店方送的自家製豆漿: 無乜豆味, 不過甜度剛好又夠晒凍, 還可以啦; 亦點都好過飲汽水吧. 淨菜肉雲吞 ($28): 一碗有 7-8 隻, 全都脹卜卜, 雲吞皮就隻隻厚度不一, 一時薄得透光, 一時就係又厚又硬的「一疊嘢」; 餡料就菜多肉少, 口味清新又食到 sok sok 聲, 勁對胃口! 另叫了一份麻辣豬耳, 嚟到就變了麻辣鳳爪 -_-", 不過見賣相不錯, 價錢又一樣 ($20), 是但啦: 鳳爪已去骨, 食落爽口; 醬汁係豆瓣醬, 唔麻, 唔多辣, 但好香好惹味, 都幾好食的 食晒 d 雞腳後, 忍唔住狂「畢」d 汁落碗菜肉雲吞內, 多一分香辣. 門面簡陋又有點殘, 店內環境 up dup 衛生又麻麻, 但食物十分唔錯, 絕對係臥虎藏龍的小店.埋單 $48, 滿意又抵食的一餐, 值得試試. 下次嚟, 會食排骨擔擔麵, 醉鴨腎, 花雕雞翼... etc etc.
被各方食友的菜肉雲吞相片吸引了, 呢日 dinner 專程嚟到天后試試.
先嚟店方送的自家製豆漿: 無乜豆味, 不過甜度剛好又夠晒凍, 還可以啦; 亦點都好過飲汽水吧.
淨菜肉雲吞 ($28): 一碗有 7-8 隻, 全都脹卜卜, 雲吞皮就隻隻厚度不一, 一時薄得透光, 一時就係又厚又硬的「一疊嘢」; 餡料就菜多肉少, 口味清新又食到 sok sok 聲, 勁對胃口!
另叫了一份麻辣豬耳, 嚟到就變了麻辣鳳爪 -_-", 不過見賣相不錯, 價錢又一樣 ($20), 是但啦: 鳳爪已去骨, 食落爽口; 醬汁係豆瓣醬, 唔麻, 唔多辣, 但好香好惹味, 都幾好食的 食晒 d 雞腳後, 忍唔住狂「畢」d 汁落碗菜肉雲吞內, 多一分香辣.
門面簡陋又有點殘, 店內環境 up dup 衛生又麻麻, 但食物十分唔錯, 絕對係臥虎藏龍的小店.
埋單 $48, 滿意又抵食的一餐, 值得試試. 下次嚟, 會食排骨擔擔麵, 醉鴨腎, 花雕雞翼... etc etc.
張貼