Gioia Charcoal Grill & Oyster Bar (已結業)

同女友去開西環，本身打算去另一間餐廳食lunch，點知另一間咁岩冇位。順著大街行到海邊，起轉角位見到呢一間野，諗左陣又唔太想再搵另一間就走左入去食。先講個長條型個餅食落都好似擺左好耐少少淋咁啦，前菜湯同沙律都一般。我同女友一個叫西冷一個叫肉眼。一上既時候都心諗中伏，睇落好似平時我地去BBQ個D扒煎出黎，薄身、瘦同細塊(你地睇下其他人D相就明白)。睇完之後我對味道都冇乜expectation架啦，食落都真係唔太新鮮又冇乜味咁囉。食完之後第一個念頭就係要食番D好西balance番(去左附近一間細細地café買杯靚咖啡)。第二個念頭就係用Openrice既review function提醒各位烈士唔好叫扒食，係就食佢其他好野 (唔知點解好多好評個D，你懂的)。