Noir Chocolatier (已結業)

(遲來了的post)男朋友情人節既時候買左一盒noir chocolatier既朱古力俾我,入面有2大包朱古力!見到d朱古力個樣好開心, 因為好耐之前去赤柱1間朱古力專門店食過呢個樣既朱古力, 覺得好好食!印象中赤柱果間既朱古力充滿香味,而且入面既士多啤梨乾同咖啡豆都超好食!於是我滿心歡喜打開呢間買既朱古力,充滿期待......點知d朱古力係果d劣質朱古力味, 直頭係大陸出果種, 有陣怪味! 咁都未算, 入面d果乾全部林晒, 仲要唔係士多啤梨乾黎, 係提子乾! 好難食! 最後只有黑朱古力包住咖啡豆果隻係擺得入口, 其他既真係想扔晒佢! 見到下面有個post話d朱古力一陣雪味, 我果d都有!應該就係果隻劣質臭膠味! 真係好差!除左味道之外, d朱古力唔知點解一d光澤都冇, 全部都好暗淡,之前經過間鋪2次都冇人, 唔知係咪擺左好耐! 又冇有效日期, 勁奇怪!唔好俾我知果盒野幾多錢, 我一定唔會叫朋友仔幫襯!以後都係買返有牌子既朱古力好了! 免得失望!