華苑潮州閣

營業中

休息中

粿係一種好出名嘅潮州小食，款式有好多，不過喺香港好難食到好食嘅粿，但係呢間潮州菜就可以搵到好食嘅粿。我哋一口氣叫咗三款粿，兩鹹一甜，分別有馬鈴薯粿、紅桃粿同埋甜嘅鼠殼粿。另外仲叫咗個隆江滷水豬手同埋芋蓉香酥鴨，仲有一個青欖燉螺頭湯。馬鈴薯粿顧名思義主要嘅材料就係薯仔，味道都幾好，不過我哋全部人都覺得紅桃粿同埋鼠殼粿味道更加出色。紅桃粿鼠殼粿(甜)佢個滷水豬手都幾好食，炆得幾林幾入味，啲墊底嘅芽菜仔都好好食，因為吸晒啲滷水汁嘅味。芋蓉香酥鴨就相對一般啲嘢，芋蓉得夠鬆化，但係入邊舊鴨肉就比較韌，佢d炸珍珠葉都幾好，好耐無食過。青欖螺頭湯好足料好正，飲落去個喉嚨覺得好舒服，例牌可以分到五小碗，呢個真係好好味。