銀座炎蔵燒肉

營業中

休息中

假日行開D2 Place，lunch順使搵野食，見呢間日式燒肉幾吸引，一於入去試下！午市定食選擇多，有餐牌睇圖，要用QR Code 落單Lunch定食包括沙律、泡菜、白飯同湯，配埋高質日本肉肉，好豐盛！嚴選黑毛和牛定食包括有和牛龜之甲、和牛芯芯同和牛羽下等部位，肉質細緻嫩滑，香氣四溢。和牛羽下油脂感較重，可以先食，和牛芯芯煙韌有口感，牛味香濃，和牛龜之甲切成薄片，口感同味道都出色和牛鞍下肉質鮮嫩，脂肪分佈均勻，經過燒烤後更加香嫩可口，每啖都感受到和牛原汁原味，好滋味和牛肋肉，經過燒烤後質感十足，入口鮮嫩多汁，令人難忘。燒烤火爐熱力分佈平均，而且食完件衫都唔會太吸味，抵讚！飲品叫左檸檬茶同菠蘿乳酸梳打，菠蘿梳打有菠蘿肉，味道唔錯，幾有盛意。