華威餐廳 (已結業)

放工懶得回家整野食. 是日就抄西貢墟方向入村. 順便停留西貢墟找食. 是次心目中係有idea的. 就是次次經過, 看似小炒晚飯幾了得既茶餐廳仔, 中文叫華威餐廳, 英文叫 Warwick, 不知此間餐廳既老細同英國中部古城Warwick又有什麼關連呢.入到西貢, 一陣怪風把新開第一次用的雨傘吹斷, 吊住命咁用住先. 冒住大雨行到過黎. 店沒有太多人, 而且鄰近的食肆也有不少已經關門. 感覺上, 西貢既夜市, 除了西餐廳, 泰國菜同海鮮之外, 根本冇得做. 我去到餐廳時只是8點半, 已經得返我一個客人, 而且老闆基本上, 是準備緊9點正關門的.我都係簡單的叫一個碟頭飯算了, 豉椒牛肉食得多啦. 呢次想健康少少食魚. 就試下炸斑腩配上豉椒汁會是怎樣的. 首先, 汁同飯是分開上的, 這令我大概會意到為何佢會用上英國城市既名字來做店名. 因為極度似英國餐館既出品, 始終老外是不太喜歡成碟汁撈飯既, 而且老外愛杰既汁, 所以茨粉, 廚子落得幾重手下. 豉味滲入茨汁, 而且斑腩, 炸得夠金黃, 雖淋上了汁, 佐外皮依然香脆, 非常可口, 好啱鬼佬口味. 食飽準備走了, 老細亦好似準備收工打烊. 夜