友口馥 (已結業)

我星期日去到，我已經好肚餓㗎啦，但係因為屋企人嘅介紹我就排隊啦。點知排咗八個字先到我。中間我叫咗個砵仔糕食，紅豆砵仔糕OK唔會太甜，但係冇乜紅豆味。等左好耐卒之有位坐，等多陣腸粉就到。我叫咗豬潤腸粉同埋櫻花蝦腸粉。因為想環保有甘啱有盒，所以就之前帶咗個盒比佢哋。你就兩個腸粉都擺喺同一個盒裏面。識落皮係滑嘅，但係就冇乜料喺裏面。我比較鍾意食佢嗰個豬潤腸粉，因為比較香口，豬潤又唔會太晏。但係個櫻花蝦腸就乜味都冇，就比較失望。總括而言呢間野都OK嘅不過weekend都係唔嚟啦因為唔值得排八個字。值得一提嘅係佢會用佢啲錢去咗養啲單親家庭嘅小朋友，喺佢店都會見到一張紙鼓勵其他人都一齊捐錢。