影片
更多
2010-11-15
20 瀏覽
先黎基本資訊，今次係同個 fd 一齊去食，時間係星期四晚大約八點我同個 fd 兩個人夾埋差唔多 500 磅可想而知我地會食得幾狼~ 叫左乜野：煙三文魚漢堡套餐、安格斯牛肉漢堡套餐，跟餐兩個普通薯條合併成一個 honey & garlic 醬撈薯條，飲品係芒果同草莓乳酸；後來追加一個黑椒煙燻牛肉漢堡 + 六隻炸雞中翼 (跟兩隻醬，但唔記得左叫咩名了)埋單幾錢：兩個人食，唔記得總共 $136 定係 $139 了，總之每人約 $70 吧一去到就有位，lucky 間鋪個門面真係細，我釘十字架咁既姿勢攤開雙臂，已經幾乎掂到兩邊牆鋪內得兩張檯仔，坐起黎多少都有 d 焗促 拎起餐牌，我第一個反應係：好平喎 d 價錢貴唔得過 mos burger、老麥呢 d 幾多，漢堡套餐都只係 40 蚊樓下同個 fd 諗左一陣，就決定叫兩個套餐，請廚房幫手對切兩個漢堡大家都唔想食太多薯條，就同個伙記傾下佢提議兩個普通薯條合併成一個撈薯條，我地當然 ok 啦~等左一兩個字，野食陸續備妥我先試煙三文魚 burger唔，雖然煙三文魚係應該凍食，但 burger 凍餡既感覺唔係太美妙餡料入面，生菜、蕃茄同埋 d 煙三文魚都
我同個 fd 兩個人夾埋差唔多 500 磅
可想而知我地會食得幾狼~
叫左乜野：煙三文魚漢堡套餐、安格斯牛肉漢堡套餐，跟餐兩個普通薯條合併成一個 honey & garlic 醬撈薯條，飲品係芒果同草莓乳酸；後來追加一個黑椒煙燻牛肉漢堡 + 六隻炸雞中翼 (跟兩隻醬，但唔記得左叫咩名了)
埋單幾錢：兩個人食，唔記得總共 $136 定係 $139 了，總之每人約 $70 吧
一去到就有位，lucky
間鋪個門面真係細，我釘十字架咁既姿勢攤開雙臂，已經幾乎掂到兩邊牆
鋪內得兩張檯仔，坐起黎多少都有 d 焗促
拎起餐牌，我第一個反應係：好平喎
d 價錢貴唔得過 mos burger、老麥呢 d 幾多，漢堡套餐都只係 40 蚊樓下
同個 fd 諗左一陣，就決定叫兩個套餐，請廚房幫手對切兩個漢堡
大家都唔想食太多薯條，就同個伙記傾下
佢提議兩個普通薯條合併成一個撈薯條，我地當然 ok 啦~
等左一兩個字，野食陸續備妥
我先試煙三文魚 burger
唔，雖然煙三文魚係應該凍食，但 burger 凍餡既感覺唔係太美妙
餡料入面，生菜、蕃茄同埋 d 煙三文魚都係好平凡既貨色
cream cheese 亦都唔見得好香，麵飽我就估係嘉頓之流
但係食多兩啖，諗下呢個 burger 跟餐叫都只係 3x 蚊
好好醜醜都係堅既煙三文魚，你仲想點丫~
食完半個煙三文魚 burger，又拎起個牛肉 burger
嗯~ burger 餡都係應該熱先至好食
茄汁、mustard、牛肉、生菜、蕃茄、芝士、酸瓜
齋睇張 list，content 就好似老麥個足三兩咁
但係用 3x 蚊價位既連鎖店 burger，根本無法同呢度比
整個飽用料水準雖然未至於正到令人拍手掌
但係個 burger 餐 32 蚊咁足料就好難得
淨係塊肉就已經有 heart，唔係連鎖店果 d 頹廢漢堡扒
雖然唔肯定佢係咪自家製，但至少都係用碎牛肉打出黎既肉餅
講材料既鮮香同埋 burger size，連鎖店就更加無得比
再黎食薯條，個撈薯條係用細型既焗飯錫紙兜裝住，都幾大兜
honey garlic 醬我評價就唔太高，主要係 garlic 味唔突出
薯條亦都唔見得好厚料，裡面有 d 鬆散，應該係買現成番黎炸
但係個 fd 一句問到：「三十幾蚊你想食龍肉？」
咁又真係唔應該怨 d 咩既~~~
杯野飲就... 算 ok 啦，一般 cafe 貨色
但係 3x 蚊個餐，可以揀既野飲有成廿款，而唔係得可樂雪碧美蓮達
已經係一個 tribute
後尾追加左一個黑椒煙燻牛肉 burger 同六隻炸雞中翼
個 burger 唔係用碎牛肉整肉餅，而係一片片牛肉片做餡
黑椒味淡左些少，但係風味上都有 d 似 ooo 個 roast beef burger
再睇多次個餐牌，28 蚊，仲想點？
反而要講講 d 雞翼，可以話係唯一敗筆
間野叫 wings to go，我 expect 佢 d 雞翼應該要好好食
但係炸到出黎，咬落去，我第一個反應係「平平無奇」
自己買雞中翼番屋企，用南乳醬腌完炸，應該都惹味過佢
揀左一隻田園醬，仲有另一隻唔記得叫咩名
總之兩隻醬個味道就差唔多，唔至於 impressive
之前三個飽食到我嘩嘩聲，呢半打雞翼實在係有 d 反高潮
埋單計數，每人食左 1.5 個 burger，半兜薯條，三隻雞翼
我諗正常人咁樣食的話，應該會飽到行唔出鋪頭
仲要只係每位 $70 都唔夠，味道勝過同價位既連鎖店一大截
就算同 ooo 呢個價位既 burger 店比，都仲有性價比呢個賣點
我諗以後如果落到紅磡果一頭，呢間會係 top priority
唯一要擔心既就係... 呢度會唔會做唔住執笠
張貼