五陵會

營業中

休息中

今日亞拉牛一，亞哥知我鍾意去五陵會食嘢，專登安排咗係五陵會同我慶生一家人又有機會歡聚食大餐啦首先，上嚟嘅喺炸芋角併琵琶豆腐呢處嘅芋角做得非常出色，要預定，入口鬆脆，裏面加咗少少咖哩更好味，欣賞乾身而且絕不油膩，唔會食完滿口油，成家人贊不絕口琵琶豆腐外脆內軟，食嘅時候醮點特製醬汁或淋喺琵琶豆腐上，培添美味跟住，嚟個湯特濃蕃茄薯仔🐟石斑魚湯 嘩！好足湯料，新鮮石斑為主要材料，加入番茄、薯仔，豆腐、重有廋肉等等去煲，之前，飲過用芫荽、皮蛋、鲜草菇煲嘅鮮魚湯，估唔到今次用番茄、薯仔，煲出嚟嘅湯竟然咁好飲😋絕無「腥味」嘅「濃郁番茄」石斑魚湯，配角陳皮同少量胡椒，提升魚湯嘅色香鮮味超級好飲💯每人飲足兩碗芥蘭祇要菜梗唔要葉，切剩最嫩部分，脆、爽、清甜，班腩厚身，啖啖肉離遠已經聞到大陣花雕香味🍴蟹肉鮮得嚟帶甜味，陳村粉索哂花雕同蟹肉精華，又香又滑鵝掌同花膠最佳配搭🍴鵝掌同花膠都炆得好入味，鵝掌肉厚，唐生菜爽口。花膠喺亞哥私伙，無得彈my favorite 上次嚟食唔到，亞哥知我心意，專登為我預訂，滿足為食嘅我今餐生日飯，好多謝亞哥嘅精心安排，五陵會喺品質嘅保證，每樣菜都好高水準，食完已經好飽同好满足，