Amici (已結業)

今日同bb豬撐枱腳，嚟到中環依間意大利菜，裝修簡單而高貴，昏暗嘅燈光格外有情調。我哋揀咗店員推薦嘅Lobster Set，有齊前菜、湯、主菜同甜品。藍水晶蝦薄片第一次試食來自法國嘅藍水晶蝦，色澤晶瑩帶淡淡嘅青藍色，鮮甜爽滑，三文魚子同魚子醬則有脆卜卜嘅口感，再加上自製嘅清酒啫喱，非常之有驚喜！鵝肝焦糖布甸除咗布甸上面之外，布甸入面都加入左鵝肝！每一啖都品嚐到肥美嘅鵝肝，香味充滿晒成個口，久久不散。龍蝦濃湯湯會另外裝係一個壺入面，保持住佢嘅熱度，到飲嘅時候先倒落去。飲頭一啖已經知呢個湯係幾咁真材實料，因為真係好濃郁。烤龍蝦拼海班魚、美國頂級西冷依個餐每一款主菜都會拼一份龍蝦，龍蝦肉爽口彈牙，火候恰到好處。海斑魚皮脆肉嫩，西冷牛扒無筋，食落柔軟而牛味香濃。燒焦糖班㦸配蜜糖脆脆雪糕甜品看似簡單，其實充滿創意。班戟上面嘅焦糖並唔普通，係用煉奶經過10個鐘嘅焗製而成！雪糕亦加入左蜜糖脆脆，更加有口感。整體甜度適中，為呢一餐完美作結。