影片
更多
2021-12-03
114 瀏覽
銅鑼灣有一間中菜餐廳個名好特別，又有川菜又有粵菜，所以就叫做川粵時光 ！落地玻璃好靚，食嘢景觀真係一流！青椒皮蛋都幾好食，好香，之前試過食出面嗰啲皮蛋奇奇怪怪，但係呢間嘅味道正常得來係好吸引。連表面嘅青椒味道都突出，好match。蒜泥拍青瓜口感特別爽口，而且蒜泥味道同個青瓜好夾，開胃得來又夠味道。酸辣魚皮千祈唔好睇小，佢個魚皮口感好彈牙，其實佢同樣係酸辣味道好勁，如果真係唔食得辣就唔好亂來，但係食得辣嘅食呢個真係好爽。水煮牛肉裏面唔係剩係得牛肉，牛肉就當然夠入味夠林啦，但係佢其實仲有啲粗身嘅薯粉同步可以享用，咁就唔會咁悶之餘仲豐富啲口感。 小辣呢款香味特別醒胃。黃金南瓜原來出面嗰層就係鹹蛋黃，本身都聯想唔到呢兩款食物竟然可以擺埋一齊，原來都真係得，仲要熱辣辣好香鹹香之外，仲食到南瓜嘅甜味。紅糖冰粉就係甜品啦，佢個味道唔會太甜但係口感好滑，好滿足。呢度除咗飲茶之外，其實都仲有啲特飲，今次就試吓蜂蜜檸檬柚子蜜，甜甜地，特別係有時食得太辣嘅時候仲可以幫手解辣。今次訂枱冇特別要求坐窗邊，但係個位置都坐得好舒適半圓形可以睇到個景觀，不過純粹唔係貼住個景觀姐。如果好想坐窗邊或者可能book一間房睇
落地玻璃好靚，食嘢景觀真係一流！
青椒皮蛋都幾好食，好香，之前試過食出面嗰啲皮蛋奇奇怪怪，但係呢間嘅味道正常得來係好吸引。連表面嘅青椒味道都突出，好match。
蒜泥拍青瓜口感特別爽口，而且蒜泥味道同個青瓜好夾，開胃得來又夠味道。
酸辣魚皮千祈唔好睇小，佢個魚皮口感好彈牙，其實佢同樣係酸辣味道好勁，如果真係唔食得辣就唔好亂來，但係食得辣嘅食呢個真係好爽。
水煮牛肉裏面唔係剩係得牛肉，牛肉就當然夠入味夠林啦，但係佢其實仲有啲粗身嘅薯粉同步可以享用，咁就唔會咁悶之餘仲豐富啲口感。 小辣呢款香味特別醒胃。
黃金南瓜原來出面嗰層就係鹹蛋黃，本身都聯想唔到呢兩款食物竟然可以擺埋一齊，原來都真係得，仲要熱辣辣好香鹹香之外，仲食到南瓜嘅甜味。
紅糖冰粉就係甜品啦，佢個味道唔會太甜但係口感好滑，好滿足。
呢度除咗飲茶之外，其實都仲有啲特飲，今次就試吓蜂蜜檸檬柚子蜜，甜甜地，特別係有時食得太辣嘅時候仲可以幫手解辣。
今次訂枱冇特別要求坐窗邊，但係個位置都坐得好舒適半圓形可以睇到個景觀，不過純粹唔係貼住個景觀姐。如果好想坐窗邊或者可能book一間房睇住景觀用膳的話就記得提早訂枱指明啦。
張貼
