Fun Fun 串串鍋 (已結業)

行街行到肚仔餓、朋友又想打下邊爐又想食串燒，行左入一間串串燒既打邊爐，一舉兩得。串串鍋有六款湯底揀（招牌重慶麻辣湯鍋、藥膳胡椒豬肚湯、韓式部隊鍋、椰香海底椰雞鍋、祕制沙嗲湯、壽喜燒鍋）揀左個壽喜燒鍋湯底，店員都好快上左湯底同開爐了。湯底有牛肉、胡蘿蔔、娃娃菜醬油湯底。飲品區種類都幾多，有幾款特別既野飲串串鍋店都有、款式林林總總呢。醬料區都有醬油、花生、蒜末、蔥花、辣椒自助服務。串串既款式都有肉類、菜類、即食麵區。特別介紹有個麻吉燒，原來要放入爐煮一陣先可以食呢，味道好粘口，中間係花生餡。仲有女生最愛既雪糕區，亦有四款揀（紫芋、雲呢拿、朱古力丶芒果、韓式冰條），阿波羅口味的。