影片
更多
2023-02-15
49 瀏覽
餐廳係Cafe同西餐廳嘅合體，裝修幾靚，有一道花花天花💐可以打卡📸，座位之間都好寬有好多梳化卡位，呢個環境情人節黎撐枱腳都唔錯！Menu主打多款fusion菜，菜式款式好多，淨係pasta類都有齊烏冬、寬麵、意粉、意大利飯同珍珠麵，配搭亦好特別🤩！餐廳Menu會定時更新，平日黎食個lunch set好抵，百幾已經食到！宜家出咗印花卡💮，平日每食一個lunch set可以儲到個，儲齊六個就可以free一個，啱曬同朋友一齊黎呀！------------------------------🍽️◖Set for One◗ 套餐包咗前菜同餐湯，可以自己揀一款主菜，再加錢加甜品同小食～🫕/是日餐湯今日嘅餐湯係蘑菇湯，好濃郁蘑菇味道，加入咗小米，小米煮得軟爛綿密，感覺好健康，飽肚感都幾強！🥪/芝士松露醬薄多士有兩片烘得香脆嘅多士，夾住拉絲嘅芝士，芝士creamy仲帶淡淡嘅松露味，正！🥗/巴馬風乾火腿季節沙律有兩大片巴馬火腿，鹹鹹地但略嫌油甘味唔太夠～墊底嘅沙拉菜加咗黑醋，酸酸甜甜咁幾開胃！🦞/龍蝦汁西班牙海鮮燉飯 $338海鮮燉飯原鍋上，好足料有魷魚、帶子、帆立貝、青口同蜆肉一齊煮，啲意大利飯偏濕身，
------------------------------
🍽️◖Set for One◗
套餐包咗前菜同餐湯，可以自己揀一款主菜，再加錢加甜品同小食～
🫕/是日餐湯
今日嘅餐湯係蘑菇湯，好濃郁蘑菇味道，加入咗小米，小米煮得軟爛綿密，感覺好健康，飽肚感都幾強！
🥪/芝士松露醬薄多士
有兩片烘得香脆嘅多士，夾住拉絲嘅芝士，芝士creamy仲帶淡淡嘅松露味，正！
🥗/巴馬風乾火腿季節沙律
有兩大片巴馬火腿，鹹鹹地但略嫌油甘味唔太夠～墊底嘅沙拉菜加咗黑醋，酸酸甜甜咁幾開胃！
🦞/龍蝦汁西班牙海鮮燉飯 $338
海鮮燉飯原鍋上，好足料有魷魚、帶子、帆立貝、青口同蜆肉一齊煮，啲意大利飯偏濕身，吸曬啲海鮮嘅精華，加埋龍蝦汁，好有鮮味，就咁簡單調味就已經好鮮好好食！啲海鮮肉質都彈牙唔會乾柴，頗有口感幾鮮甜，不過隻大蝦就有啲失色，食落冇咩甜味～
🧇/重口味朱古力窩夫（半份）+$68
佢有好多唔同口味嘅窩夫，都好吸引，今次跟餐試咗佢個朱古力味先！佢有一球朱古力味嘅movenpick雪糕，有粒粒朱古力粒夾雜，濃濃嘅可可味又有口感，擺上去熱辣辣、外脆內軟嘅窩夫上面食好滿足！
🫖/貴妃荔枝茉莉茶 +$15
套餐本身都包咗一杯野飲，可以自己加$15轉成其他咖啡或者特飲！轉咗一壺果茶，壺果茶下面有枝蠟燭仔，可以幫壺茶保溫，裏面有原粒荔枝同柚子果肉，飲落暖暖地微甜，好舒服又refreshing！
🥧◖辣味蟹肉撻 ◗ $85
酥皮脆卜卜，裏面放咗啲蟹肉，仲加咗啲冬菇，食落幾鮮，辣辣地好惹味，口感好有層次！
🌟Encore指數：8.5/10
張貼
