影片
更多
2023-06-24
331 瀏覽
間中有一兩日想邪惡下，就會想叫外賣，咁啱做完運動行返屋企嘅時候，見到呢間都有人排緊隊嘅涼皮店，就不妨試一下😎比起平時嘅涼皮店，呢一間小店嘅款式名稱好特別，由於睇落都唔知有咩分別，就隨意地叫咗頭嗰兩款，仲加咗少少錢加送同埋試吓佢哋嘅自家製涼茶添！😍兩款涼皮我哋都叫咗小辣，費事屋企人唔習慣呢種麻辣🙈正吾食正粉皮 $25另加萵筍絲 (+8) & 海帶絲 (+$8)媽媽最愛❣️面質較為煙靭同硬身，配料非常豐富，包括粉皮必備嘅花生、炸黃豆、青瓜絲等等招財催運水晶涼皮 $25另加木耳(+$8) & 雞腎 (+$12)My pick❣️呢款麵質就相對上比較彈牙，配料同上面嘅粉皮一樣，但更能夠將醬汁同麵條”融為一體”，每一條都可以均勻地沾上麻辣味！湯房養身涼茶 (+$12)為咗解渴、清熱同埋感覺冇咁熱氣(🤣)，我哋加咗錢叫呢一款涼茶雪梨羅漢果甘草涼茶，飲落去非常清新，比平時飲嘅羅漢果涼茶稍甜，用嚟中和下涼皮嘅油膩係一個唔錯嘅選擇👍🏻整體而言，款式名有gimmick，整體偏濃味，好彩叫咗涼茶嚟中和吓🙈
比起平時嘅涼皮店，呢一間小店嘅款式名稱好特別，由於睇落都唔知有咩分別，就隨意地叫咗頭嗰兩款，仲加咗少少錢加送同埋試吓佢哋嘅自家製涼茶添！😍
兩款涼皮我哋都叫咗小辣，費事屋企人唔習慣呢種麻辣🙈
正吾食正粉皮 $25
另加萵筍絲 (+8) & 海帶絲 (+$8)
媽媽最愛❣️面質較為煙靭同硬身，配料非常豐富，包括粉皮必備嘅花生、炸黃豆、青瓜絲等等
招財催運水晶涼皮 $25
另加木耳(+$8) & 雞腎 (+$12)
My pick❣️呢款麵質就相對上比較彈牙，配料同上面嘅粉皮一樣，但更能夠將醬汁同麵條”融為一體”，每一條都可以均勻地沾上麻辣味！
湯房養身涼茶 (+$12)
為咗解渴、清熱同埋感覺冇咁熱氣(🤣)，我哋加咗錢叫呢一款涼茶雪梨羅漢果甘草涼茶，飲落去非常清新，比平時飲嘅羅漢果涼茶稍甜，用嚟中和下涼皮嘅油膩係一個唔錯嘅選擇👍🏻
整體而言，款式名有gimmick，整體偏濃味，好彩叫咗涼茶嚟中和吓🙈
張貼
