Coffee Talks (已結業)

假日想同朋友仔傾下少女心事，當然要揾間cafe坐下，原來旺角都有不錯的cafe呢。牛肝菌忌廉汁什菌意大利飯 $138一上枱已聞到香噴噴，忌廉汁夠濃郁又有少許奶香，意大利飯軟硬適中，三人分享食完都唔覺漏。炸薯條配黑松露醬 $68粗薯條脹卜卜，份量夠多唔洗爭食，松露醬唔夠喉未能添加，但店員都好好為我們添加茄汁。黑糖鮮果伯爵窩夫 $92擺盤色彩繽紛，有香桃、火龍果、香橙、士多啤梨及菠蘿，4件窩夫外皮微脆，可沾埋雪糕一齊食，仲有黑糖醬隨自己口味添加。格雷伯爵茶 $48茶類及水果茶可免費refill，傾計傾到口乾都唔怕。