Gontran Cherrier (Bakery)

營業中

休息中

K11 Musea 引入不少過江龍，其中一間受歡迎就係法國牛角包，開業時便創下日售2000件麵包的驚人紀錄，直到而家仍經常大排長龍，到底K11 Musea 牛角包值得一試嗎？還是名過其實？🥐牛角包被華爾街日報評為巴黎最佳牛角包，外層非常鬆脆，就算隔咗一日，仍然好軟熟。自己再加工夾下三文魚，仲正。🥨招牌法式焦糖奶油酥超驚喜，必試！層次豐富的圓形酥脆糕點，每一圈都包住糖同牛油，唔會太肥太漏，會令你不知不覺食晒一個。🥯香印提子牛角包可能放過入雪櫃，變相令到牛角包變軟，口感似泡芙。提子好清甜，但配牛角包唔算絕配。以價錢來講食返牛角包比較抵。🥐火腿芝士牛角包牛角包加上火腿同芝士拎去焗，可能加添咗味道，食唔出牛角包本身嘅味道同埋質感，反而簡簡單單先係最好。價錢唔算平，不過牛角包同焦糖奶油酥絕對值得一試。但係有心理準備要排隊排成半個鐘，想唔想排隊就睇你點睇。