影片
更多
2022-02-02
1290 瀏覽
朋友A知道我好鍾意食Sukiyaki ，佢話牛陣有壽喜燒任食，推薦我去試吓。我話其實我又唔係食得多，重視quality 遠超於quantity，食多咗要做返好多運動先可以消耗extra卡路里！任食對我嚟講，並唔吸引。不過A先生話淨係食和牛都已經夠晒抵，回到本。既然佢咁落力推介，我又同老公去試吓啦！牛陣地方闊落，每個角落都有把風扇，確保空氣流通。呢個疫情緊張嘅時候，真係要令食客放心。我哋order咗日本產黑毛和牛放題套餐（$359）日本產黑毛和牛係由日本自家農場飼養，日本直送到香港。除咗黑毛和牛之外，套餐食物種類豐富，肉方面包括澳洲嘅兩款牛肉，沖繩豚肉同埋其他牛肉部位。海鮮方面有帶子、青口、蝦滑、海螺同墨魚仔等。自助區域有林林總總嘅蔬菜同丸類，亦有關東煮、咖喱牛肉飯、炸雞炸薯條等熟食，可以趁湯底未滾，頂下肚先。侍應送上壽喜燒嘅時候，有細心講解如何烹調，例如要先用牛油（牛脂肪粒）塗一層喺鐵鍋上，之後可以放蔬菜牛肉及壽喜燒汁。食完壽喜燒亦可以加入清水變成火鍋，一個套餐有兩種食法。我由頭到尾都只係食壽喜燒🍲黑毛和牛油花均勻，肉質鮮嫩，油脂甘香，高品質，有驚喜！我覺得唔需要點其他肉類，只需要食黑
牛陣地方闊落，每個角落都有把風扇，確保空氣流通。呢個疫情緊張嘅時候，真係要令食客放心。
我哋order咗日本產黑毛和牛放題套餐（$359）日本產黑毛和牛係由日本自家農場飼養，日本直送到香港。除咗黑毛和牛之外，套餐食物種類豐富，肉方面包括澳洲嘅兩款牛肉，沖繩豚肉同埋其他牛肉部位。海鮮方面有帶子、青口、蝦滑、海螺同墨魚仔等。自助區域有林林總總嘅蔬菜同丸類，亦有關東煮、咖喱牛肉飯、炸雞炸薯條等熟食，可以趁湯底未滾，頂下肚先。
侍應送上壽喜燒嘅時候，有細心講解如何烹調，例如要先用牛油（牛脂肪粒）塗一層喺鐵鍋上，之後可以放蔬菜牛肉及壽喜燒汁。食完壽喜燒亦可以加入清水變成火鍋，一個套餐有兩種食法。
我由頭到尾都只係食壽喜燒🍲黑毛和牛油花均勻，肉質鮮嫩，油脂甘香，高品質，有驚喜！我覺得唔需要點其他肉類，只需要食黑毛和牛同一D新鮮嘅蔬菜，確實已經值回票價！
我老公就每一樣食物都有試過，佢完全豁出去，無限咁任飲（Asahi🍺）任食😂佢都覺得CP值超高，好耐冇食過咁有水準嘅放題。就連關東煮都令佢喜出望外，因為福袋入面有軟綿綿嘅年糕同埋難得蒟蒻都好入味。
甜品有4款Häagen-Dazs雪糕同鯛魚燒，可以發揮創意，自製特色打卡甜品。我只係負責泡製個雪糕新地俾老公食，因為實在太飽食唔落（好似個鯛魚燒一樣，飽到反肚😂）
牛陣真係可以將quality 同quantity 都做到令人滿意，值得一試🥰
張貼