Urban Bakery Works (已結業)

今朝開了個馬拉松會議，開到午餐飯點都過了。但同事竟然事業心重到話想一氣呵成整理埋會議記錄。我雖然唔會阻止佢，但我餓到胸貼背的就不陪了，先落樓食個quick lunch, 順便帶外賣俾同事。因為過了飯點，所以餐廳沒太多人，環境可好了，而且因為佢是自助形式的，所以人少就唔怕落單後冇位坐。同系餐廳我經常幫襯，但中環呢間反而少來，原本唔清楚佢地嘅點單流程，幸好店員幾friendly, 解釋俾我聽係先選食物再付錢。呢度食物選擇算多， 三文治、意粉、沙律、甜品都有。每次來必食佢地嘅牛角包，今日就食牛油果小意蝦牛角包三文治， 配件egg tart，凍美式咖啡。困左係會議室幾個鐘，所以我堅持要堂食，嘆杯咖啡，refresh一下。呢度座位都幾舒服，幾relax。牛油果小龍蝦滿滿咁堆在牛角包上，好似小山，所以要用刀义嚟食。蛋撻味道濃郁，唔太甜都幾好味。朋友嘅外賣是五款沙律跟Carrot Cake。原本唔知買咩外賣俾朋友食， 見我有選擇困難症，店長就耐心地介紹，幫左唔少忙。