影片
更多
2014-05-05
6775 瀏覽
無錯！個buffet主題同Green Friday放埋一齊，一睇就覺"九唔答八"。但既然除了某VISA CARD有八折外，GREEN FRIDAY其中一個GIMMICK係著綠色衫可有無限量紅酒添飲，佢咩主題都無所謂，有折就得啦。當然，咩主題唔好要用重口味既配料做BUFFET，有此地無銀既感覺..."嗱! 你咪期望食新鮮野，新鮮就唔會打著東南亞的旗號做BUFFET啦!" 咁，個BUFFET究竟得唔得呢? DINNER BUFFET 6點左右開始，原來是先招呼了METROPLAZA酒店既"貴賓"先。所以如果放左工7點去就可以唔使同人迫。因為"貴賓"們來地"衝衝"，去也"衝衝"。而場地隨著"貴賓"們散去，開始也有其他外籍住客坐低，又有LIVE BAND唱唱抒情歌。BUFFET 場地呢個時候顯得特別寬敞。本身台與台之間都有充足既空間，唔會話酒店為左一次過容納多D人而放到D台密麻麻咁。好耐未試過食BUFFET唔使係拎野食時同人爭咁，又可以舒舒服服咁望下開揚既街景。酒店望出去係可以望到差館同宙東廊，亦睇到少少海景。我本身音樂細胞唔高，但可以聽到女歌手同伴奏整晚的演出很專業地平穩，都係一種令人神怡舒
無錯！個buffet主題同Green Friday放埋一齊，一睇就覺"九唔答八"。但既然除了某VISA CARD有八折外，GREEN FRIDAY其中一個GIMMICK係著綠色衫可有無限量紅酒添飲，佢咩主題都無所謂，有折就得啦。當然，咩主題唔好要用重口味既配料做BUFFET，有此地無銀既感覺..."嗱! 你咪期望食新鮮野，新鮮就唔會打著東南亞的旗號做BUFFET啦!" 咁，個BUFFET究竟得唔得呢?
DINNER BUFFET 6點左右開始，原來是先招呼了METROPLAZA酒店既"貴賓"先。所以如果放左工7點去就可以唔使同人迫。因為"貴賓"們來地"衝衝"，去也"衝衝"。而場地隨著"貴賓"們散去，開始也有其他外籍住客坐低，又有LIVE BAND唱唱抒情歌。BUFFET 場地呢個時候顯得特別寬敞。本身台與台之間都有充足既空間，唔會話酒店為左一次過容納多D人而放到D台密麻麻咁。好耐未試過食BUFFET唔使係拎野食時同人爭咁，又可以舒舒服服咁望下開揚既街景。酒店望出去係可以望到差館同宙東廊，亦睇到少少海景。
我本身音樂細胞唔高，但可以聽到女歌手同伴奏整晚的演出很專業地平穩，都係一種令人神怡舒泰，無話唱唱下走樣，折左每人承惠$350左右，以有生蠔食既價位好似平左，但係以生蠔既水準，個價其實都合理，我地就無賺既感覺啦。
內場景就係咁啦..人都唔多。下圖為熟食位。熟食有咖哩魚蛋、薑蔥蟹、咖喱雞、羊架、馬位棧炒通菜、韓式炒粉絲、燒味、鹵水豆腐等，另有職員負責切燒牛肉。燒塊牛肉乾到呢...睇到已經知道唔對路，食落去都無味，即使個SAUCE OK 都唔可能令佢起死回生。 個鹵水豆腐其實有D酸酸地。而燒味呢，係睇得下，但唔好有期望LOR。最OK都係羊架同韓式炒粉絲，叫做達標。羊肉厚而有"蘇"味，唔會太靱，但叫老人家食就難D。而韓式炒粉絲就整體都可以。
冷盤魚生&壽司
又到考考大家既時間啦，究竟三文魚要食幾耐先食完呢? 一定會比牛肉好D既。不過佢就好多筋，同生八爪魚一樣，無咩味，
壽司一般都唔係自助餐主打，更何況佢個樣都唔吸引。就係咁，無咩人去理佢地。
長腳蟹、小龍蝦、白灼蝦、翡翠螺、蟹
蟹係非常唔新鮮，無須一試。但係長腳蟹竟然意外地好食，而且應該係全場最好食既野，又甜又多肉，又唔會死鹹。暫時未食過有自助餐比呢度既長腳蟹好食，自己ORDER專程去日本食都未必咁好食BOR~
生蠔
認真麻麻，唔新鮮又無咩肉食。佢唔係即開，開定一盤，你叫就比一碟三隻你。
野飲
有自助即磨咖啡機，可沖ESPRESSO，REGULAR，及大咖啡。咖啡身比較單薄，微酸，香味濃郁。宜加少許奶中和酸味，令咖啡更易入口。
亦有自助凍汁、熱柚子蜜、紅茶、檸檬同奶。
紅酒係侍應走過黎添比我地既，唔要紅酒可以要可樂青檸。
生菜蔬果
有西瓜、菠蘿，亦都有整個既蘋果同橙。
餅乾芝士
其實都有D STARTER之類既野，但都係唔吸引。不過，唔好睇少個藍芝士同COTTAGE CHEESE，食少少都幾過隱。
湯
冬蔭公
如果飲完再飲紅酒都幾"蔭公"，至ARM 喜歡火辣刺激既你!
西蘭花CREAM湯 - 寫到呢度，你無可能仲對呢個西湯有期望既.. 如果唔係，你一定未睇上文，比下面睇好WOR..我打左好耐啦~
甜品
中西式都有，以西式為主。中式雖然得兩款左右，但有個幾滑既豆腐花就夠。而西式甜品方面，係台面上既朱古力噴泉當天甚少人問津，可能係配料太普通，而令朱古力冷卻既凍水都欠奉。有專員即製PANCAKE。不過D材料唔係CREAM，就係JAM，都無咩特別。台上既小蛋糕，有TIRAMISU同抹茶味，又有BROWNIE，栗子卷蛋，MOOSE CAKES，小鳳梨PANCAKE卷，亦有中式既桂花糕同椰汁糕。但係所有甜品就好似係屋村餅店見到既蛋糕一樣，有親切感不過就無好有衝動要食既感覺。而實驗亦證明唔試都唔覺可惜~
雪糕係雀記既細杯，亦有不明牌子既大桶比你同個CONE自己慢慢"BUT"。
重點甜品推介：
1. 光波爐製梳乎厘 - 等一次食好香濃既蛋味，又唔太甜。不過之後就COLLAPSE左啦，唔只係時間令佢COLLAPSED，係跟著出黎既一水味道都COLLAPSED左。無計啦，呢度食野係有D賭大細FEEL (雖然好明顯永遠係莊嬴)。
2. 彩虹芒果千層 - 唔太甜，有D JELLY質感軟綿綿，都唔錯GA(下圖可見大部份既甜品)
午市BUFFET都有蠔WOR，但無長腳蟹，平100幾蚊，對我黎講就無甚吸引力啦。如果係要返去呢度，主要都會係貪佢超易搵，就腳，可以坐下、聚下，聽下歌RELAX下。其實，只係去佢既COFFEE AREA坐低飲野都OK啦，唔使咁貴食自助餐既。
張貼
