金滿膳燒味餐室 (已結業)

星期五HappyFriday同朋友食飯聚一聚，去全滿膳食燒烤和小龍蝦等，抒發呢一星期的工作壓力。金滿膳位於牛頭角牛頭角道357-375號仁安大廈地下，餐廳乾淨企理，好光猛，好多人嚟食野，唔驚有伏。我地3個人叫左燒五花腩 $18、肥牛金菇卷$28，韭菜$16，麻辣小龍蝦$228和錫紙焗金針菇$38。串燒燒到表面金黃，再灑上調面粉，食到有好香的孜然味，唔錯！韭菜原條燒，大大串，好新鮮，灑上辣味調味粉，同韭菜的味道好夾。錫紙焗金針菇，金針菇用蒜蓉和牛油做調料，所有材料包曬入鍚紙再拎去焗，一打開就有好香蒜蓉同牛油味，嗰汁同呢撈飯吃一流呀😋麻辣小龍蝦，麻辣夠惹味，有好多隻，小龍蝦啖啖肉，吸收曬啲麻辣汁，未食都流口水呀🤤食得辣的朋友，用D汁撈飯一流呀！