北京樓 (歷山大廈)

營業中

休息中

朋友生日， 揀咗好耐未黎過嘅北京樓吃飯。冷盤叫咗素鵝同醉雞。素鵝同出面大部份走路唔痛是沒有油炸的，非常清新。醉雞中規中矩，浸得入味但酒味不重。黃金蝦味道很好不過蝦有啲霉。係全晚最失望嘅一道菜。今晚主角當然係片皮鴨。北京樓的片皮鴨未必係全香港最好，但一定係全港水準最穩定的， 從來無失手。今晚亦唔例外。肥瘦適中，薄餅每件分明唔會黐住。二食鴨肉生菜包感覺清爽，同片皮鴨形成不同嘅對比。一邊食一邊望住師傅表演拉麵，於是叫咗一碟。炒拉麵賣相麻麻，不過味道不錯。小籠包皮薄餡靚，朋友雖然夾左多次都失手跌翻落碗，小籠包皮依然冇破爛，認證左點心師傅嘅功力。甜品叫咗依家比較少見嘅拔絲香蕉。用糖漿做嘅皮冷凍後變咗香脆嘅外殼， 但裏面嘅香蕉仍然保持溫暖，係一到考廚師功夫嘅甜品。