Eighty Ninety

營業中

休息中

今日lunch同朋友行過見到有新店開張，係食西餐嘅，所以決定試下。我地4個人嗌左4個餐share食，餐包埋沙律或者湯，仲有杯野飲。我叫order左肉醬意粉、琵琶蝦蕃茄扁意粉、西班牙伊比利亞豬肩胛肉、同埋西冷牛扒。湯係雜菜湯幾足料，正常味道。沙律幾新鮮。我自己最中意呢個西班牙豬肩胛肉，油花味比較重，配埋啲配菜幾夾。啱鍾意食肥肉嘅人，一上嚟就同同事搶住食。西冷係切左嘅，肉質幾嫩，肉味濃。肉幾靚，早知嗌生小小應該仲好食。琵琶蝦意粉都幾好食，原來琵琶蝦好大隻，本身仲以為係虎蝦咁細嘅。不過我哋四個人，分唔晒，啲蝦幾新鮮。肉醬意粉🍝好幾正常，有啲芝士係面，幾好。不過兩個意粉嘅汁係一樣味嘅。Overall 都幾高質嘅，價錢當然都比起平時嗰啲高😂，今日有九折，人頭100。間唔中Happy Friday都會再嚟食，呢區都好少呢個質素嘅嘢食。同咪侍應姐姐都好好招呼。