Infinity Workshop Cafe (已結業)

Cafe 好大空間感十足，有唔少梳化位，播住音樂，令人好relax!三眼仔鮮奶抹茶好得意！好濃茶味帶微甘，奶味比較弱，但powdery左少少, 順滑啲就更好!檸檬薑茶辣辣地，酸酸地，驅寒一流！帶子虎蝦青蘋果沙律帶子嫩滑鮮味，虎蝦大大隻夠彈牙，沙律菜唔會有太多沙律醬，帶少少醋酸，清清地好開胃！白松露油魚柳意粉有唔少菇菌，菇味香濃，意粉夠咬口，魚柳啖啖肉又滑，調味啱啱好，唔錯。Burger好厚好大個，高到無可能唔拆開咁食！和牛好鬆軟，有肉味，啡菇好爽口，不過整體honey mustard 味太重，蓋過左芝士味，而且包太濕，底既包幾乎系浸濕既狀態...最後食埋甜品，蘋果金寶面層脆脆地，牛油味香濃，下面系軟稔既蘋果，如果配雪糕會更好食。心太軟有流心，外層鬆軟，朱古力味濃郁，配埋HD既雪糕，唔錯！Hea下食下野咁就一晚，呢度絕對系個好好hea既地方！