HIKARI

趁有一日假，黃昏去荃灣廣場睇戲，行岀大霸街搵嘢食，非常集中多款特色小店，成條街見到一間裝修與別不同有兩層高嘅cafe，加上大玻璃引入天然光，白色水泥牆營造出簡約自然舒服嘅氣氛☺️放工值得去chill下聽店主講HIKARI意思指「光」，係希望為香港人嘅生活注入一點「光」。好有意思~主食~慢煮美國安格斯牛板腱新奧爾良飯Sous vide angus top blade Jambalaya +~另外小食水牛城炸雞翼Buffalo wings。慢煮美國安格斯牛板腱新奧爾良飯，份量用料十足，賣相好靚，牛板腱有3大塊，色澤粉嫩，食落爽口，完全無筋無渣，配埋個新奧爾良飯，飯入面有蘆荀同菇，一啖放入口食，味道非常之豐富，第一次接觸Jambalaya，我覺得類似Risotto，味道濃郁，粒粒飯都夠曬分明煙煙韌韌，非常推介大家一試👍🏻👍🏻飲品我點咗個熱嘅澳式鮮奶咖啡Flat white，（NUTTY BLEND COLUMBIA + BRAZILmedium dark roast）有少少帶酸味嘅咖啡，係近年興起。