Petit Deli (已結業)

減肥都可以出街食@Petit Deli尖沙咀河內道2號地下 對上一次來是一年多前了，減重減脂進行中，但同朋友食飯都無問題，小心選擇就可以了。白酒忌廉煮藍青口 $88青口仍帶點海水味，湯頭有白酒香同富蒜香，加上濃郁杰身忌廉汁口湯也可以喝或用來蘸麵包，湯中能喝到煮青口時流出的汁會有股鹹甜感。帶子青蘋果沙律 $88橄欖油好健康架，salad dressing 檸檬酸酸地同蘋果都好夾，帶子略為煎過幾香同軟綿綿的，唔想只有菜而有點海鮮加埋幾好。Cesar salad $ 88羅馬生菜清爽多水份，加埋碎麵包粒同煙肉碎，煙肉碎好薄好脆身架，用鹹香來打開味蕾，兩個沙律一酸一鹹來互信調配。$198 黃金脆炸豬鞍扒，大大塊好厚架，見到都流口水忍唔住拎起刀就切啦，醃得好入味架，厚身豬鞍肉質有嚼勁，邊位炸到焦香更具風味，再伴埋加入紅菜頭汁架薯蓉賣相超靚。$148 意大利飯一定要正煮，米飯要偏硬嘛，但很多店迎合港人都弄到軟軟這店都是後者,這碟就太腍了，而調味可加強帶唔出冬陰公味$68汽酒，我唔飲酒就答唔到味啦！食物整體都是中上，以百來二百元一份主菜是好抵食，人均消費約300-350在尖沙咀旺區來就很合理。