鮨金和食料理 (已結業)

之前去過日本食omakase，今次難得發現香港都有，於是同朋友book左枱入銅鑼灣，試呢間鮨金和食料理。lunch set 食左迷你懷石料理，有刺身4款、壽司6件、和食1款，前菜沙律、茶碗蒸蛋。先黎香口野。炸蝦天婦羅上碟時熱辣辣，由紫蘇葉包住一齊炸，令紫蘇葉香滲透當中，蝦香、油香、紫蘇香，鬆軟可口。鯛魚、深海池魚。魚肉好大，完全覆蓋住飯，池魚粉紅色，鯛魚較軟，都好可口。帶子配上蟹膏，海膽配上蟹籽，鮮度馬上提升，比單一味道更好，可見廚司有花心思。 蟹籽粒粒飽滿，咬落會爆汁，好鮮甜。拖羅好難得見到，一上碟就雙眼發光。果然比想像中好食，入口即溶，非常滑溜，口感一流。最後仲有甜品做小點綴。今次lunch set性價比好高，580可以試到好多野，篇幅都寫唔曬，環境又舒服，下次會同朋友黎試一試晚餐！