影片
更多
2015-09-12
5135 瀏覽
之前見朋友試先知intercon有日式下午茶，因人人只要知lobby個個；試完之後覺得ichiban正！！ 除咗賣相精緻，價錢合理同值，每一樣都好味同特別！！ 未試過tea set每一樣都好味，唔會甜到溜全部食哂～飲品見openrice d人推介紅豆黑蜜抹茶，佢呢度d抹茶飲品果然好好味，抹茶味濃得黎唔會太甜太苦啱啱好，紅豆雖然只係底少少，但撈埋紅豆味都強，我唔係抹茶控一飲呢柸野都覺得好好味！！ 個tea set送到黎，侍應會放乾冰，令原本已經好精緻賣相好靚嘅presentation更加有視覺效果；之後侍應會逐一介紹每一樣野，佢講得好快同材料名係日文，所以其實聽唔到佢講乜～ 侍應話上下層由我地左手面食起，因左面味道比較淡～ 我同朋友比較鍾意食咸點，所以決定由下層食起，下層比上層驚喜～下層：左一：三文魚雖然細細粒，但好新鮮！！左二：甜嘅銅鑼燒就成日食，就算我成日周圍食野，咸嘅銅鑼燒我都係第一次食，入面係鵝肝醬，好特別好味！！左三：青瓜mousse，味道好fresh又係好特別好好味！！左四：呢個類似腸天婦羅左五：龍蝦好味～上層：左一：類似紅豆糕，味道比較淡～左二：好似係柚子mousse~左三
之前見朋友試先知intercon有日式下午茶，因人人只要知lobby個個；試完之後覺得ichiban正！！ 除咗賣相精緻，價錢合理同值，每一樣都好味同特別！！ 未試過tea set每一樣都好味，唔會甜到溜全部食哂～
飲品見openrice d人推介紅豆黑蜜抹茶，佢呢度d抹茶飲品果然好好味，抹茶味濃得黎唔會太甜太苦啱啱好，紅豆雖然只係底少少，但撈埋紅豆味都強，我唔係抹茶控一飲呢柸野都覺得好好味！！
個tea set送到黎，侍應會放乾冰，令原本已經好精緻賣相好靚嘅presentation更加有視覺效果；之後侍應會逐一介紹每一樣野，佢講得好快同材料名係日文，所以其實聽唔到佢講乜～
侍應話上下層由我地左手面食起，因左面味道比較淡～ 我同朋友比較鍾意食咸點，所以決定由下層食起，下層比上層驚喜～
下層：
左一：三文魚雖然細細粒，但好新鮮！！
左二：甜嘅銅鑼燒就成日食，就算我成日周圍食野，咸嘅銅鑼燒我都係第一次食，入面係鵝肝醬，好特別好味！！
左三：青瓜mousse，味道好fresh又係好特別好好味！！
左四：呢個類似腸天婦羅
左五：龍蝦好味～
上層：
左一：類似紅豆糕，味道比較淡～
左二：好似係柚子mousse~
左三：紅豆和菓子，唔會甜到漏～
左四：咸嘅macaroon，up唔出入面係乜，最後問侍應無聽錯佢話係甜麵豉～
盒仔：
Muffin：平時我唔食muffin都覺得呢個ok好味，因唔會甜到濟，皮面鬆脆～
Waffle：抹茶味但唔係太食得出～
個muffin同waffle最後食，個幾鐘後依然脆，配三個醬，因我怕甜所以選擇奇異果醬～ 唯一不足點解俾咁少醬？ 咁大舊muffin同waffle，咁少醬一個人都唔夠仲要兩個人份～
總括：推介同非常滿意呢度個tea set，價錢合理$508兩位(比lobby平)，又好好味！！
提一提：HSBC白金卡，Citibank白金卡同AE有折～
張貼
