Le Three (已結業)

相信唔少朋友都試過約人食飯，而觀塘區要數有特色嘅餐廳，其中就一定要數Le three。呢間餐廳位於宜安街，條街係出名嘅海鮮街，經營左好幾間專門食海鮮嘅檔口，而le three就係少數位於呢條街嘅cafe。等左唔洗好耐就有位俾我地，一入到去就俾佢以藍色做主調嘅裝潢吸引左，俾人好舒服嘅感覺，牆上仲掛左著名景點santorina嘅壁畫，讓人有置身於其中嘅感覺，令人胃口大開。點餐沒多久，便來了是日餐湯，鮮茄薯蓉忌廉湯。呢個湯係由新鮮蕃茄每日即場熬製而成，而薯蓉同湯嘅比例亦配合得非常平均，令我好想再飲多碗呀！而沙律都好新鮮，有三文魚係沙律入面更加令整個沙律更豐富、更有口感，讚！前菜有炸天婦羅大蝦，呢個炸蝦非常大隻，炸得亦剛剛好，不會太油又不會太膩，配埋沙律醬點黎食，一流！主菜係頂級美國肉眼扒，我地點左5成熟，肉質鮮嫩而不硬身，有入口即溶感覺，份量更有手掌咁長，滿意！之後黎左墨汁海鮮意大利飯，筆者最鍾意食意大利飯，當然要試試佢啦！果然冇令我失望，香濃墨汁伴上鮮蝦帶子，簡直是天衣無縫。個飯質感剛剛好，入口仲有餘溫，唔錯唔錯。總括黎講，大家黎開牛頭角或者觀塘，不妨黎呢間試下，價錢合理，食物都好食。