Couple's Kitchen (已結業)

呢日同細佬入元朗，喺教育路見到呢間餐廳門面幾吸引，就入去試下💗入黎先知叫Couple’s Kitchen😅但原來店主所指嘅「Couple」可以係閨密、屋企人、另一半，都冇咁尷尬😀😀我地叫左兩個主食同一個小食，都好夠飽。🐟鹽焗原條海鱸魚配時蔬我一向好鍾意食海鱸魚❤️雖然外面層果層鹽整到好似脆皮咁，但記得係唔食得咖。魚肉嫩，每一啖都有淡淡鹹味同香料，再加左少少檸檬汁提鮮，令味道更有層次。🍗花椒麻辣炸雞翼西餐用花椒作為香料真係好少見，所以揀左呢款fusion雞翼。麻辣雞翼唔算好辣，炸得好香脆且冇咩油👍🏻點埋花椒沙律醬味道更突出同開胃。🍝傳統意式煙豬面肉芝士番茄扁意粉意粉偏向似炒意粉，帶點煙醺味，芝士份量剛好，唔會搶左番茄味同時又增添鹹香。