影片
更多
2016-08-14
3063 瀏覽
友人請食飯, 邀請在下到呢間有好多年歷史既西餐廳Jimmy’s Kitchen, 第一次聽以為係Jamie Oliver 開果間, 滿心期待, 但望真啲… 咦? 唔係Jamie… 係Jimmy wor… 當堂疾左一疾, 即刻上網望兩眼, 喺openrice見到啲食物相, 估計應該係花園餐廳同第尾牛扒啲朋友, 不過再睇真啲, price range 人均$400-$800, 難道係矜貴version? 而且相對地都算多笑臉, 在下又有番少少期望~餐廳喺尖沙咀, 地鐵站L5 出口沿住亞士厘道一直行, 經過好多韓國餐廳之後再行到最篤篤就見到Jimmy~ 餐廳門面冇咩特別, 普通白色一幅牆加玻璃窗, 但入到去就發覺別有洞天, 估都估唔到喺呢啲橫街窄巷既餐廳入面都搵到fine dining格局. 最先見到係一個好靚既英式酒吧, 者係望落去似會坐得幾舒服果啲, 然後行入去穿過酒吧後就係Dining Area.Dining Area亦都好靚, 深木色做主調, 高級西餐廳典雅格局, 俾人感覺 “巧膠紙”啊~ (有啲類似Ruth’s Chris @ TST 或者 Langham Hotel既Boston
餐廳喺尖沙咀, 地鐵站L5 出口沿住亞士厘道一直行, 經過好多韓國餐廳之後再行到最篤篤就見到Jimmy~ 餐廳門面冇咩特別, 普通白色一幅牆加玻璃窗, 但入到去就發覺別有洞天, 估都估唔到喺呢啲橫街窄巷既餐廳入面都搵到fine dining格局. 最先見到係一個好靚既英式酒吧, 者係望落去似會坐得幾舒服果啲, 然後行入去穿過酒吧後就係Dining Area.
Dining Area亦都好靚, 深木色做主調, 高級西餐廳典雅格局, 俾人感覺 “巧膠紙”啊~ (有啲類似Ruth’s Chris @ TST 或者 Langham Hotel既Bostonian, 不過再暗啲~ ) 我地被安排坐喺四人卡位, 夠晒私隱又坐得舒服 (值得一讚係卡位既梳化, 唔係果啲淋滋滋一坐落去成個人就即刻低半個頭果隻, Good!)
再讚既係呢度冇話逼你飲果啲法國春水 (但枱面都放左一枝, 想飲就開, 唔用就擺番喺度).
Server 一開始推介生蠔拼盤配白酒, 聽落幾扺, 不過友人唔食生蠔, 唯有下次自己黎再試~ 而餐牌都有好多野食簡, 冷熱前菜啊, 湯啊, 沙律啊, 咖哩啊, 焗飯意粉啊, 扒啊, 總之琳琳種種, 絕對係港式西餐廳既感覺~ (詳細menu請參考餐廳網址)友人話呢度出名食扒, 所以特登叫一客. 由於大家都唔大食, 所以叫多一個前菜, 一個湯, 一個甜品 for sharing, 就夠食了~
Bread 面包
34 瀏覽
0 讚好
0 留言
Ox-Tail and Barley 牛尾湯配Barley酒
$78
31 瀏覽
0 讚好
0 留言
亮點係隔離果細細兜既Barley, 一聞落好香, 加唔加隨自己喜歡, 不過好酒既在下就二話不說加左落去, 令到成個湯更加惹味!
Baked Avocado and Crab glazed with hollandaise sauce 焗蟹肉牛油果
$124
37 瀏覽
0 讚好
0 留言
原隻牛油果刮肉, 切粒, 撈埋蟹肉同荷蘭汁 (忌簾, 蛋黃, 檸檬汁) 再拎去焗. 焗既火候控制得剛剛好, 冇過熟但足夠令牛油果外面有半溶狀態而個芯keep住微暖同Texture, 唔會一pat 野. 折好既新鮮蟹肉散落喺牛油果周圍, 佢既蟹鮮加埋牛油果估唔到可以咁match! 加埋啲醬汁令成件事好creamy~
在下極力推薦大家黎試下呢個前菜, 食完之後記住個味道, 然後番屋企自己整! (因為睇落唔多難整).
USDA Servers Choice Holstein Angus Tenderloin 美國USDA安格斯牛裡脊肉 – 12 oz With creamy mash and Portobello
$498
37 瀏覽
0 讚好
0 留言
USDA Servers Choice Holstein Angus Tenderloin 美國USDA安格斯牛裡脊肉 – 12 oz With creamy mash and Portobello
$498
46 瀏覽
0 讚好
0 留言
在下曾經講過, Tenderloin 最緊要係夠Tender (嫰), 好多時一落刀果下便知龍與鳳. 呢度果然冇令我地失望, 落刀幾乎唔駛吹灰之力, 切開之後係勢色對版既Pink Center, 然後大量既血紅肉汁徐徐流出, 呢啲就係質素既保證, 一望都知好食.
放埋落口就知冇睇錯, 咬都唔係好駛點咬,雖然冇左果份澎湃油脂, 但好處係食完之後唔會搞到個口油淋淋, 而最最最緊要係塊扒既皮微脆帶點炭燶, create唔同口感得黎又順手豐富左塊扒! 在下敢講, 味道拍得上城中出名扒房如Morton’s.
一塊扒免費跟一個薯仔同蔬菜dish.
薯蓉既薯味好香, 調味亦剛剛好, 仲特登整到留番少少好細粒既薯仔肉, 叫做有啲野咬下. 呢度既薯蓉唔係行現代法國菜既路線 - 滑不溜口而輕身, 所以比起上黎會比較有substance.
磨菇應該有稍微週味過, 除左本身好香既菇味, 仲有其他香料, 又係唔錯~
注意: 塊扒都幾夠份量, 12 oz, 望落去好似唔係太大, 不過切忌眼闊肚窄, 一塊扒兩個人share其實剛剛好, 倘若每人一塊, 在下幾肯定食到一半你已經濟晒, 然後要逼自己食埋剩低既一半, 然後仲有伴菜, 食到咁辛苦, 何苦呢?
Jimmy’s Favorite Satellite – deep-fried vanilla ice-cream flamed with Grand Marnier 占美喜愛的衞星(直譯…哈哈)
$88
46 瀏覽
0 讚好
0 留言
睇得又食唔食得呢?? 作為signature, 點都有啲料既~ “熊熊”烈火燒走酒精, 留低既係激情同熱情, 搞gag者, 燒完之後留低左啲燈香, 少少燶, 同埋苦味. 但苦味又會俾雲尼拿雪糕balance番. 以為塊皮淋左酒燒完之後就會淋晒變到一Pat野, 竟然又冇wor, 唔敢講超脆, 但總算有野咬, 佢索埋啲燈酒, 暖暖地, 撈埋個雪糕, 有驚喜!
如果要彈既, 就係成個Dessert都幾heavy, portion又唔算細, 2個人要食晒佢其實都會有少少吃力~
<FOOD COMMENTS>
食物簡單直接, 冇咩花巧野, 扒就係扒, 湯就係湯, 唔會見到啲用汁做既泡包, 亦都唔會見到雕龍雕鳳既擺碟, 所有野都好Down to Earth. 當然, 你唔可以expect食緊既係米芝蓮級數菜式, 但好味就係真既. 由湯一路食到甜品, 在下都滿意, 以Casual Dining價位黎講, 暫時佢排第一!
<SERVICE>
唔知係餐廳黑暗, 定真係啲侍者面黑, 離遠望佢地真係冇咩笑容, 不過, 當你一叫佢地, 佢地又即刻好熱心咁幫手. 似乎除左餐廳本身, 呢度既員工都好有歷史, 大部份都係上左年紀既叔叔, 不過佢地絕對唔會見你後生細仔叫野食又唔多而俾臉色睇, 親切既Service 是也~
唔好睇少啲老野, 後面果枱係鬼佬, 佢地傾計既時候, 用晒流利英文, 有講有笑, 紛紛鍾佢地啲英文仲好過在下同友人呢啲所謂 “大學生”
<ENVIRONMENT>
環境舒適樓上已經講左, 值得一提既係餐廳既客人竟然係以外國人為主, 一來成個氣紛唔同晒, 冇計, 崇洋係咁, 二來洋人都黎食既西餐, 心理上會覺得: 間野應該有質素保證~
我地果日去係禮拜四, 雖然係平日, 但餐廳都full左7, 8成, 不過好彩一啲都唔嘈, 可能因為成個場比較寛敞, 加上枱同枱之間都有番咁上下距離.
<WORHTINESS>
食物樣樣都好, 服務又唔錯, 最緊要環境靚, 坐得舒服, 2個人埋單8百幾. To be honest, 呢度的確好過唔少酒店西餐廳, 倘若要簡間靚餐廳鋸塊靚扒慶祝一下, 筆直一千蚊內, 與其去果啲喺二三線酒店裏面扮一線既西餐廳, 俾佢地劏到一頸血, 倒不如實際少少, 放棄執著 “酒店” 呢個形容記, 黎呢度, 在下拍心口保證, 閣下得到既會更多!
張貼
