影片
更多
2017-12-27
637 瀏覽
天氣開始涼了...作為香港人，緊係想返鄉下，去日本食好西啦，不過無錢又無假，可以點做?A.食日本嘢慰藉心靈B.行日式超市買嘢解鄉愁C.以上皆是新裝修既一田超市麻雀雖小，但五臟俱全。入面有唔少日式熟食店。一行到去，就聞到香香既燒魚味，即刻肚餓。我嗌咗鹽燒三文魚頭set，男朋友就試咗西京燒比目魚set，加十蚊可以轉迷你明太子丼同迷你吞拿魚丼。我就試咗迷你明太子丼。坐係吧檯邊就好似去咗啲日式食堂咁，睇住師傅製作，非常衛生。由於係即叫即燒既關係，等咗廿分鐘先有得食，時候算快，不過肚餓既人總係心急啲。所以師傅送上湯比我哋飲住先，大大碗既海鮮味噌湯，入面有蘿蔔片，菇粒同埋魚肉，蝦肉等...大大塊魚皮，配上熱辣辣既湯，成身暖曬無幾耐燒魚同埋明太子飯都嚟埋，起筷。明太子飯配有紫蘇葉同蔥花，加埋一點蛋黃醬，好好送飯。將一小口既明太子同飯一齊食，令珍珠米充滿明太子既鹹香。而三文魚頭用上鹽燒既方法，除咗表面香脆，亦帶出魚油香味，魚汁同魚油包圍住魚肉同魚皮。其實食魚頭一般都係啜啲魚皮同埋食臉頰肉，不過呢個魚頭都算大個，魚骹位有唔少魚肉，都幾厚肉。同時亦可以落檸檬汁減少油膩感，不過我無落，因為魚油先係精華，原汁
作為香港人，緊係想返鄉下，去日本食好西啦，不過無錢又無假，可以點做?
A.食日本嘢慰藉心靈
B.行日式超市買嘢解鄉愁
C.以上皆是
新裝修既一田超市麻雀雖小，但五臟俱全。入面有唔少日式熟食店。
一行到去，就聞到香香既燒魚味，即刻肚餓。
我嗌咗鹽燒三文魚頭set，男朋友就試咗西京燒比目魚set，加十蚊可以轉迷你明太子丼同迷你吞拿魚丼。
我就試咗迷你明太子丼。
坐係吧檯邊就好似去咗啲日式食堂咁，睇住師傅製作，非常衛生。
由於係即叫即燒既關係，等咗廿分鐘先有得食，時候算快，不過肚餓既人總係心急啲。
所以師傅送上湯比我哋飲住先，大大碗既海鮮味噌湯，入面有蘿蔔片，菇粒同埋魚肉，蝦肉等...大大塊魚皮，配上熱辣辣既湯，成身暖曬
海鮮味噌湯
16 瀏覽
0 讚好
0 留言
無幾耐燒魚同埋明太子飯都嚟埋，起筷。
迷你明太子丼
$1
26 瀏覽
0 讚好
0 留言
迷你明太子丼
55 瀏覽
0 讚好
0 留言
明太子飯配有紫蘇葉同蔥花，加埋一點蛋黃醬，好好送飯。將一小口既明太子同飯一齊食，令珍珠米充滿明太子既鹹香。
鹽燒三文魚頭
75 瀏覽
0 讚好
0 留言
而三文魚頭用上鹽燒既方法，除咗表面香脆，亦帶出魚油香味，魚汁同魚油包圍住魚肉同魚皮。
其實食魚頭一般都係啜啲魚皮同埋食臉頰肉，不過呢個魚頭都算大個，魚骹位有唔少魚肉，都幾厚肉。
同時亦可以落檸檬汁減少油膩感，不過我無落，因為魚油先係精華，原汁原味永遠最好食。碟邊既蘿蔔泡菜都好好送飯，不過略嫌唔夠，一兩啖就沒有了。
西京燒魚
22 瀏覽
0 讚好
0 留言
而男朋友仔嗌既西京燒，魚肉上面塗滿燒汁，甜甜哋，魚皮吸滿汁仍然非常香脆，魚肉滑溜，骨並唔多，啖啖肉。
每個餐只係 $59，晚餐嚟講非常抵食。
同場亦有海鮮丼，刺身等等，不過我唔食我生冷嘢，只好留返下次。
張貼
