漢堡B (已結業)

呢間漢堡包店新開張時大排長龍，多人到迫爆，次次去親都賣哂。過左一排，人氣減弱，終於有機會幫襯。間店位於商場內food court，嗰度啲店大部分賣屋邨懷舊小食，呢間西式漢堡包店身在其中就好似顯得格格不入咁。小店漢堡包款式不算多，價錢亦不特別平，但都可以一試既。點左最basic既burger，由於即叫即做，所以都等左一段時間先有得食。Burger賣相不錯，又大大份，舊肉亦相當厚同juicy，夾住好多蔬菜，都幾fresh所以不會覺得油膩，醬汁都調較得幾夾，只係食落有啲狼狽，啲汁同啲料好容易跌哂出黎。