王牌冰室 (九龍貿易中心) (已結業)

早幾日去同客開會 ，點知傾到過哂食飯時間，勁肚餓喎，個客勁唔好意思就帶左我地去佢樓下的王牌冰室食下午茶補數。去到個客一座底二話不說就叫左個王牌推介，特濃牛乳炒滑蛋叉燒蝦仁雙拼飯凍檸檬茶 ，而我同事就叫左王牌特濃沙爹牛肉公仔麵凍好立克， 而我就緊係叫鮮油奶多凍檸檬茶燒賣陳皮魚蛋和咖喱三寶。碟滑蛋叉燒蝦仁飯，真係好豐富好大碟，蝦仁夠大隻，雞蛋又香又滑。沙爹牛肉麵，湯底真的好濃郁佢唔係就咁牛肉上面倒汁落去牛肉到 ，反而係個湯用沙爹汁去煮，所以成碗麵都好香，牛肉又淋，幾好。我個鮮油奶多唔洗講都知掂啦！其他小食都唔錯。下次再來開會，一定會再食。