樂園魚旦專家 (協和街)

營業中

休息中

由於以前住呢度嘅附近，所以間唔中屋企人都會帶我去樂園粉面嗰度食嘢，所以呢度可以話係充滿一個回憶的地方。機緣巧合下今日故地重遊，所以都買個外賣返去食。入咗去店員服務態度非常之好，而我哋都係叫咗一路叫開嘅牛丸，牛筋粗麵同埋墨魚丸牛筋粗麵，嗰日嘅有菜有生菜芥蘭同埋菜心，我哋揀咗菜心，另外凍檸茶兩杯大約等咗五至6分鐘，外賣已經準備好，包裝非常唔錯，唔會左搖右擺。返到屋企全部嘢食都係熱辣辣嘅，丸類非常彈牙，以牛筋亦都淋滑適中，湯底亦都恰到好處，果然係識咗咁多年水準都有keep到！ 推介埋各位識佢哋嘅雲吞，雖然今次冇嗌，但係之前食過都係水準之作！great !! 食完之後飲番杯凍檸茶，消暑解渴，人生一大快事也。