麵屋 元祖達摩 (已結業)

今日收工同屋企人食飯，有時要選擇食咩都幾煩，醒起小弟之前去過既拉麵店幾好食，就叫埋屋企人去食。餐廳環境舒適，店內有張日式拉麵店式的長 bar 枱，裝修有日式風格。用填紙仔既方式點餐，可以組合出自己想食既拉麵。見到餐廳有做比較特別嘅優惠， 每個拉麵加30蚊 就可以任食拉麵嘅配料， 啱曬啲食一碗拉麵唔夠飽嘅朋友， 不過當日我唔算係好肚餓所以冇加到。黑蒜油拉麵配豚肩叉燒呢個係屋企人叫嘅， 不過我都試咗少少味， 落枱嘅時候已經聞到蒜香， 個湯底應該係豬骨湯加黑蒜油， 濃味得來唔會太鹹。 豚肩叉燒的肥肉較少，做得都好入味， 淋身。辛辣拉麵配豚角煮(中辛)近排都食開辣， 所以挑戰下自己叫咗中辣， 都幾辣，但個湯底係辣中帶香， 唔係一味得個辣字， 我揀咗粗麵， 麵身爽口彈牙，豚角煮肥瘦適中，厚身入味。玄米茶+達摩梳打話說上次來已經幾個月前，餐廳都保持到水準， 抵讚。