炎天丼 (已結業)

海老天丼 ($72)天婦羅丼豐儉由人，由貴價靚餐廳到親民小餐店都有，今次介紹依間就係後者嘅代表。如果只能夠用四隻字總括：超級抵食！丼飯份量可以稱得上係king size，無論係米飯定主角天婦羅都係大大份，加上咁嘅價錢的確係非常慷慨。今次點選咗海老天丼($72)，包含流心蛋、菜心苗（兩件）、茄子、南瓜、海老、蓮藕（兩件）。茄子、蓮藕都係我一般不太喜愛嘅食材，但料理效果唔錯，蔬食嘅鮮甜、茄子嘅軟綿同蓮藕嘅爽脆都恰到好處。南瓜係我最喜愛天婦羅用料no.1，依到採用嘅南瓜甜度偏高，可惜煮到腍一腍，個人偏愛稍微硬淨多些少嘅南瓜。海老蝦肉唔算特別彈牙，正常發揮。最有驚喜嘅反而係平時係天婦羅丼未必見到嘅菜心苗！整棵菜心苗嫩口又無渣。流心蛋蛋黃味道唔算突出，但作為撈飯用物就係出色嘅點綴。天婦羅coating薄身、脆口得黎唔乾，無皮肉分離。米飯口感普普通通，加上飯素味道唔錯。天婦羅汁偏向稠杰，亦比一般天婦羅汁更濃味。❍ 用餐提示係餐店內出入餐枱會比較逼，但同其他客人都會保持翻適當距離，到訪當日staff好主動咁黎加添飯素，好客有禮，加分～❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫海老天丼 ($72)餐點味道 | ♥︎