茶墨 (已結業)

今次第N次黎幫襯啦，貪佢夠方便之餘，我仲對佢嗰個意大利低脂雪糕念念不忘。之前幾次同朋友都係飲佢嘅焦糖芝士奶蓋，又或者麻糬飲品，真係好似一個藝術品咁好靚，今次就試吓佢嗰個手搖冰茶，今次叫咗柳橙冰搖茉莉($36): 本身自己飲開無糖，但係佢冇呢個選擇，只可以叫少糖，同埋小冰，雖然帶少少微甜，不過都可以接受。茉莉茶底飲落去好清新，而且柳橙有一種refreshing嘅感覺。自己好鍾意任何citrus嘅味，晚飯之後來一杯，清吓腸胃，又可以食第二餐啦😂😂一場嚟到就係為咗俾我朋友睇乜嘢叫做好食嘅朱古力gelato！黑朱古力口味食落去唔會好苦，而且質感好綿好煙韌，密度高先會做到，證明真係真材實料。