極鮨

營業中

休息中

今日去咗銅鑼灣覓食，又係我最鍾意嘅日本菜，但又有午市優惠，我揀咗個午市定食，佢個set 入邊包左沙律🥗、茶碗蒸、麵豉湯，仲有一個甜品。沙律🥗、茶碗蒸，食完都幾開胃。主食方面我揀咗和風山椒燒汁牛柳，野食一上到枱就聞到層層嘅香味，相機食先，之後就快快想試吓佢嘅味道，牛味都幾重，都幾Juicy，記住加少少洋蔥咁食，咁樣可以同黑椒嘅味道中和返，會更加夾！牛柳嘅下面係滿滿嘅蔬菜，蔬菜都非常之新鮮嘅，而且都有幾多下。另外，麵豉湯足料，都幾好飲。之後我再單點叫多一個蔥吞拿魚腩手卷，呢個呢個手卷俾咗喜出望外嘅感覺我，好鮮甜，好足料，成個手卷都有吞拿魚腩蓉，值得一讚。最後上咗個甜品係抹茶味嘅蕨餅，好QQ彈彈，good ar!!! 好中意食呢個甜品！