影片
更多
2016-05-30
13269 瀏覽
今天又是聚會的日子, 大家一心找Lunch Buffet吃, 其實在九龍, 心水選擇來來去都是那幾間, 不二之選的'之一'必定是Cafe on M, 四月去了兩次, 五月亦吃了一次上篇寫了~ 5及6月做泰國食品節, 泰式食物出乎意料竟然好味過很多龍城的泰國菜店. 而Sheraton 的 The Cafe --- 我的'之二'就非它莫屬了, 輪流幫趁的話, 去了Cafe on M一兩次之後就是它了~ 今餐正在做優惠, 本來想快快寫出來推一吓好讓大家在選擇時作考慮可惜本人寫的很慢, 今天才有時間寫, 6月有何Promotion就要各位自己再check了.以上兩者都是差不多價錢, 經常有Openrice Promotion Vouchers, 亦有多張信用咭優惠, 另一項是大家在Lunch Buffet時段都有提供即開生蠔! The Cafe其實本人去年都寫過它的Lunch Buffet抵食, 當時是我的第101篇食評, 估不到今年寫寫吓就到173篇了, 時間真是偷偷在我們食・食・食之間走得很快~ Let's Go, Go go go~ 睇睇今日有咩蠔食先!!小女子對蠔認知比較
而Sheraton 的 The Cafe --- 我的'之二'就非它莫屬了, 輪流幫趁的話, 去了Cafe on M一兩次之後就是它了~ 今餐正在做[買三送一]優惠, 本來想快快寫出來推一吓好讓大家在選擇時作考慮可惜本人寫的很慢, 今天才有時間寫, 6月有何Promotion就要各位自己再check了.
以上兩者都是差不多價錢, 經常有Openrice Promotion Vouchers, 亦有多張信用咭優惠, 另一項是大家在Lunch Buffet時段都有提供即開生蠔!
The Cafe其實本人去年都寫過它的Lunch Buffet抵食, 當時是我的第101篇食評, 估不到今年寫寫吓就到173篇了, 時間真是偷偷在我們食・食・食之間走得很快~ Let's Go, Go go go~ 睇睇今日有咩蠔食先!!
小女子對蠔認知比較低, 美國蠔咁多蠔種唔認得它是那一種, 它鹹度較低, 無太重金屬味亦無咩果味, 少少蠔的清甜, 勝在新鮮爽脆, 都值得攞多兩round
蟹腳, 當然不可錯過!
刺身, 再食多round三文魚, 因個人不太喜歡任何春子, 所以藍色子只食兩隻就點到即止了.
芝士, 無食, 無quota食
熱食, 我今次又係全部無食, 因為今天狀態好一般, 好快飽飽哋 但基於大家都吃得好開心, 似乎熱食都做得唔錯, 既然如此, 樣樣影吓比大家知有咩熱食
因為鍾意飲湯, 所以中/西湯都飲晒, 個人覺得今日兩個都普普通通.
有切件生果亦有原個生果, 各式其式, 估不到蘋果竟然是爆汁蘋果, 自己買都未必咁好手神!
拿破侖細細件又幾鬆化好味, 值得用僅餘的quota食幾件
焦糖牛油菠蘿蛋糕, 嘩, 想不到的好吃! 剛剛至用了'僅餘的quota'去吃拿破侖, 點算??
咁傳統的小蛋糕唔係經常遇著咁好吃的! 雖則無quota都要食多件!
再食多少少鮮果平衡吓~
突然發現有紅茶朱古力, 都食咗幾粒
這兒的幾款甜品都好食, 要留肚!
雪糕有Haagen-Dazs, 芒果雪芭很好吃!!!
服務方面, 侍應多, 算幾有效率, 要收碟、要加水、寫餐茶平均都幾快手, 唔錯!The Cafe Lunch Buffet 提供的蟹腳鮮甜度及生蠔的好味道始終略遜Cafe on M一籌, 但無理由次次都去同一個地方, 所以點都要間間去吓, 而以三百多元這個價位來看, The Cafe 始終都是入圍的!
如果要有多一間選擇要有'之三'的話, 我會提供Cafe Kool, 餐廳大, 熱食及雪糕選擇多, 不過午市沒有生蠔, 優惠亦略少, 經常只有某兩張信用咭優惠, 很久才等到一次做Openrice Vouchers推廣, 人數少當然沒所謂, 但如果好像我們人數多就少數怕長計了, 一張單相差起碼兩個人頭費, 當然這就是考慮條件之一了.
題外話/補充資料：
坐位方面, 有心食的話要預早訂位, 因為如果訂唔到梳化位, 要坐中間一排排的枱位其實都幾迫.
(以上食評乃用戶個人意見 , 並不代表OpenRice之觀點。)
張貼
