MOONKOK (K11 Art Mall) (已結業)

呢間餐廳Lunch Time去，可以靜靜地同朋友傾吓計的確唔錯，佢D野食都OK，可以再encore。呢個應該係佢地嘅signature因為個名叫做MOONKOK和牛漢堡配薯條，味道都OK無拆自己招牌。呢度嘅和牛漢堡牛味香濃但係又唔會太油，佢加咗塊煙肉落去增加返個Burger嘅咬口感覺，呢個幾好。其他配菜同薯條都OK啦。仲有佢個麵包嘅質素都唔錯。呢個係燒春雞(半隻)配燒汁炒雜菜，呢個有驚喜，以$138呢個價錢算係抵食。隻雞夠熱，肉質夠嫩而且有肉汁，雞皮燒到微脆，真係幾好。另外佢個炒雜菜一D都唔馬虎，真係唔係求其比幾條菜你，而且連炒雜菜都熱辣辣真係難得。佢個Set Lunch有跟餐湯無跟餐飲，是日餐湯係椰菜花湯，幾好飲不過份量就少咗D。