忠記咖啡屋‧私房菜 (已結業)

如果lunchtime想食平平地又唔想等位，忠記係一個好選擇。同事介紹呢到有好多選擇，總有一款係啱食。 我同同事叫左瑤柱金華火腿蛋白菜粒炒飯同XO醬海鮮烏冬。個炒飯味道唔錯，用金華火腿調味，唔會太咸啱啱好。至於個烏冬都幾足料，有蝦，尤魚。食烏冬最怕有酸味，好彩呢到無！兩個人食連埋飲品都只係平均60蚊到，銅鑼灣黎講算幾抵食。忠記的確有好多選擇，有三餸飯，又有每日精選，再唔係散叫都可以。睇過menu發現晚市啲小菜都幾吸引，下次夜晚去試下先。