影片
更多
2018-05-18
896 瀏覽
Mangio gustoso gelato al nocciola!意思係我食咗杯好味嘅榛子雪糕。.話說最近學緊意大利文，同埋見去親意大利嘅朋友都話要「一日一gelato」。未食過gelato嘅我，一直都想知意大利嘅gelato有咩咁特別～其實意大利文gelato就即係英文嘅雪糕。係囉，咪又係雪糕一杯，可以有幾唔同啫🤔 正正因為咁，決定去試試gelato究竟有咩魅力😆 簡單上網search咗一輪，見到有幾間專賣gelato嘅雪糕食評都唔錯，例如ifc間grom、灣仔玫瑰花型givres等等，大部分都喺港島區。九龍人冇乜選擇，就去咗又一城間Venchi。.叫咗一杯baby size ($40) 嘅榛子雪糕(Hazelnut)。其實baby size純粹係單球咁解，絕對唔算細杯，食到幾飽吓！性價比好高，比起一球都要$45嘅haagen daz，甚至更貴嘅Godiva，絕對更抵！所謂嘅regular size ($62) 其實係雙球😍 本身諗住叫鹽味拖肥 (Salted Toffee)的，但試味覺得太甜，所以揀咗榛子。.店員好友善，細心咁潷雪糕—原來潷gelato要有特別技巧架，所以gela
意思係我食咗杯好味嘅榛子雪糕。
.
話說最近學緊意大利文，同埋見去親意大利嘅朋友都話要「一日一gelato」。未食過gelato嘅我，一直都想知意大利嘅gelato有咩咁特別～其實意大利文gelato就即係英文嘅雪糕。係囉，咪又係雪糕一杯，可以有幾唔同啫🤔 正正因為咁，決定去試試gelato究竟有咩魅力😆 簡單上網search咗一輪，見到有幾間專賣gelato嘅雪糕食評都唔錯，例如ifc間grom、灣仔玫瑰花型givres等等，大部分都喺港島區。九龍人冇乜選擇，就去咗又一城間Venchi。
.
叫咗一杯baby size ($40) 嘅榛子雪糕(Hazelnut)。其實baby size純粹係單球咁解，絕對唔算細杯，食到幾飽吓！性價比好高，比起一球都要$45嘅haagen daz，甚至更貴嘅Godiva，絕對更抵！所謂嘅regular size ($62) 其實係雙球😍 本身諗住叫鹽味拖肥 (Salted Toffee)的，但試味覺得太甜，所以揀咗榛子。
.
店員好友善，細心咁潷雪糕—原來潷gelato要有特別技巧架，所以gelato通常個形狀都係咁（個人覺得有啲似花輪同學嘅髮型😆）。第一啖食落去已經覺得質感同一般雪糕好唔同，口感好幼滑，咬落去又有少少煙韌嘅感覺，好似入面有啫喱咁，真係好特別。因為佢煙韌嘅質感，所以食嘅時候雪糕可以變到灣形都唔會跌。我睇食評已經見到啲人話gelato滑得嚟煙韌，都覺得好矛盾，真係食落先知呢個形容無錯！🤣 榛子味好濃，甜得嚟唔會膩，味道剛好😊
.
總括嚟講食完好有滿足感，如果兩個人食雙球仲抵！今次去間店無好多人推介嘅開心果同焦糖燉蛋味，啲味道比較普通，希望下次有更多味道揀。一定會再去😍
張貼
