南亞1964 (已結業)

難得星期5有假期，同父母一齊o黎呢到算新開的南亞食野南亞對我來說是一家很特別很有意義的餐廳，因為南亞係一家同鄉所開的餐廳，亦是袓父家父工作過的地方，孩童時父親工作辛勞，餐廳工作很晚才回家，因工作地關係，父親經常在假日帶我們到南亞或帶美食回家，兒時大部分對父親的記憶充斥南亞美食，雞飯、咖哩、牛利燴意粉.....等等數之不盡的美食都嘗試到，可能因此令我咁為食南亞休業，當中的典故實在不便多談，難得今天的南亞1964，係家父"同事"後人所開，挾舊"南亞"之名，希望不會令我們失望點了下午茶laksa，咖哩牛腩同炒貴刁3樣先上laksa，碟頭幾細，料唔多，但laksa湯富有濃香椰味亦好滑輪到重要菜式，咖哩夠濃味，父親食到以前的味道，牛腩又炆得夠淋，伴飯至佳之選！呢到o既炒貴刁，據說是阿so推介是全港最好味，食得出呢到與別不同之處佢都叫利害，我諗依家都無乜人知道or食過正宗炒貴刁，無法啦，週街都有得食炒貴刁，到到都求其將河粉义燒火腿蛋絲蔥加d黃薑粉or咖哩粉炒埋一碟就叫炒貴刁，食下食下，就好似蔡澖先生咁講，"啱自己食就係正宗啦".........呢碟炒貴刁，我敢肯定係用過真功夫先做到o既炒粉，好食！