Homeland (荃灣廣場)

營業中

休息中

今日去左荃灣廣場B1層既homeland食晚餐，好彩有預早訂位，先可以直接入去，唔洗排隊；呢一間homeland係新派既意大利餐廳，除左環境舒適外，服務同埋食物既擺盤同味道都有一定既水準。今次叫左兩份主食同埋一份甜品：原隻波士頓龍蝦明太子海鮮pizza，波士頓龍蝦占米多黑松露闊麵同埋開心果奶蓋芝士巴斯克蛋糕。龍蝦明太子海鮮pizza真係有成隻大龍蝦係中間，視覺一大震撼，再加上2隻大蝦鉗搣開真係啖啖肉；而pizza既配料都十足有份量分別有：龍蝦肉、蟹籽、三文魚、紫菜同木魚；另外Pizza係薄批，食落唔會好硬而且夠鬆軟。波士頓龍蝦占米多黑松露闊麵：真心值得推介同埋物超所值，每條闊條麵都充滿醬汁，味道亦都好好味，龍蝦尾啖啖肉，黑松露配合得好好味。最後就係開心果奶蓋芝士巴斯克蛋糕，芝士蛋糕口感軟綿，幼滑既奶蓋痴滿滿開心果碎，甜度適中。總括黎講十分滿意。