茶墨 (已結業)

今日好熱，行過好多次呢間都未幫襯過，今日終於有機會。點了1杯水墨系列麻糬芝麻烏龍奶茶 及焦糖芝士玫瑰茉莉花茶。由於實在太熱，又見到有低脂Gelato, 所以每人都加點了一杯share食！麻糬芝麻烏龍奶茶，店員提示要拌勻先飲。終於明白水墨風格，整得好靚，剛好有單邊位置，影相一流。奶茶茶底香濃，烏龍奶茶味加上芝麻味配搭細粒麻糬丸子，好有咬口，又好似食緊芝麻湯圓，好有趣。茉莉花茶味的Gelato, 外面少見，食落濃濃茶味，Gelato食落質感很滑好，不會很冰。而焦糖芝士玫瑰茉莉花茶，芝士奶蓋夠香濃，玫瑰花味比茶味更突出。而抹茶味Gelato 好有驚喜，比坊間的抹茶雪糕專門店更好食。由於是低脂，所以奶味不重，變相顯得茶味更濃郁。想讚一讚這裡的服務員很好，很耐心介紹不同的飲品。而且亦有做到少冰微甜👍🏻臨走時見到有蛋糕，下次又配茶試吓先😈