影片
更多
2019-09-28
202 瀏覽
總結：訂左檯都可以無位食，咁嘅安排同服務態度，心水清嘅諗清楚好唔好去食5日前已經book左檯慶祝朋友生日，2日前收到餐廳confirm booking，3個鐘頭前仲打去改早半個鐘，confirm 再 double confirm，然後當你收工後滿心歡喜一行5人由港九新界到餐廳，先至同你講：唔好意思，我地頭先入錯左檯客，而家無位！餐廳座位唔多，數埋都唔夠20檯客，咁都可以入錯檯，仲要開頭話：頭先有檯客都係姓陳，我以為係你地......呢個藉口用嚟呃細路女可能有用，但今晚明顯係over booking，邊檯黎先邊檯有位嘅玩法（澄清我地無遲到），想安安樂樂食餐飯嘅朋友，要有心理準備訂左位都會無位食！經理Chris有歉意（少少）但係冇誠意，餐廳安排失誤唔係一早話俾客人知，要我地5人白白企喺側邊等，喺我地連番追問下，先至話訂左檯都無位，笑笑口講對唔住，唔講點樣解決、點樣補償。「教育」完佢之後話：你地等1個鐘就有位架啦，到時俾半價你地！表面睇落係咪好吸引，但唔好忘記，星期五1930呢個時間好多人都啱啱坐底叫野食，一班人可以1個鐘交檯嗎？你地同朋友打邊爐可以淨係打一個鐘咩？到頭來都係亂咁講黎呃/安撫
5日前已經book左檯慶祝朋友生日，2日前收到餐廳confirm booking，3個鐘頭前仲打去改早半個鐘，confirm 再 double confirm，然後當你收工後滿心歡喜一行5人由港九新界到餐廳，先至同你講：唔好意思，我地頭先入錯左檯客，而家無位！
餐廳座位唔多，數埋都唔夠20檯客，咁都可以入錯檯，仲要開頭話：頭先有檯客都係姓陳，我以為係你地......呢個藉口用嚟呃細路女可能有用，但今晚明顯係over booking，邊檯黎先邊檯有位嘅玩法（澄清我地無遲到），想安安樂樂食餐飯嘅朋友，要有心理準備訂左位都會無位食！
經理Chris有歉意（少少）但係冇誠意，餐廳安排失誤唔係一早話俾客人知，要我地5人白白企喺側邊等，喺我地連番追問下，先至話訂左檯都無位，笑笑口講對唔住，唔講點樣解決、點樣補償。「教育」完佢之後話：你地等1個鐘就有位架啦，到時俾半價你地！表面睇落係咪好吸引，但唔好忘記，星期五1930呢個時間好多人都啱啱坐底叫野食，一班人可以1個鐘交檯嗎？你地同朋友打邊爐可以淨係打一個鐘咩？到頭來都係亂咁講黎呃/安撫我地。結果我地即刻搵其他餐廳，好多間都無位，星期五夜晚你估咁易搵到位嗎？！
因為無食野，只可以就環境評分。
如果一班人傾計可以考慮其他坐得舒服D嘅餐廳，佢哋場地唔大，D檯密密麻麻，逼過食放題！真係轉個身就可以夾隔離檯D火鍋野食.....
如果幾個朋友仔gathering，我諗你地傾唔到計，個餐廳好嘈，D聲又困住......
如果情侶拍拖，請你評估女朋友接唔接受到訂左位之後無位坐，再請你評估下你接唔接受到你女朋友因為咁全程黑面
最後，如果食家嘅話，唔該睇埋其他劣評嘅COMMENT，尖沙嘴相同價位好食嘅餐廳大把，何必將自己局限喺一棵樹度呢？
打咁多字因為我到而家都未嬲完！
張貼