EXP

營業中

休息中

以前同朋友聚會好多時都會揀EXP，聽講裝修之後差左好多，不過又有信用卡二人半價優惠，所以有個平日黎食晚飯。對我黎講， EXP一直以來最失敗既係佢既帶位，唔知點解長期都係入面有位（當晚起碼有一成枱都係空既），但出面又有廿幾三十個人既排緊隊，店員好似一點都唔急咁，無乜效率。無非要刻意營做人氣效果？不過除此以外，我又唔覺得食物同之前比有點退步啵。每次我黎必點既軟殼蟹沙律同薄餅都仲係餐牌上，風味依然，尤其係個薄餅，好軟熟而且味道岩岩好，但兩個人食始終有點滯，不過枱枱都係咁叫。果汁款式又多又新鮮，真係唔錯。當晚我第一次試左白朱古力窩夫。無諗過甜品都處理得咁好喎！窩夫烘得剛好，加上已變硬既朱古力醬同雪糕球，好夾呢。記得中學既時候，同學約黎呢度覺得食物普通，真係有點貴。而家有半價優惠（飲品除外），兩個人埋單唔駛二百蚊，雖然唔係好食到值得排隊食，但真係算十分抵食呢！