Ocio (煙廠街) (已結業)

🔖 Ocio 係一間萬能嘅Cafe，入面可以點唔同種類嘅菜式，有意粉、西餐、甜品、雪糕、多國小食，可以話係主菜與甜品並重嘅餐廳，適逢夏天，梗係試吓佢哋嘅專門甜品。 💬 焦糖香蕉朱古力窩夫 $68今次叫咗兩個甜品，首先呢朱古力窩夫係成個完整咁上，有4塊waffles加上朱古力雪糕球，淋上朱古力醬，熱嘅焦糖香蕉鋪滿喺窩夫度，熱力將雪糕慢慢溶喺窩夫同香蕉上，冰火兩重天，爽呀！💬 蜂蜜雪山pancake $68而呢個有足足兩層約4cm嘅熱香餅，口感軟綿綿，蛋香味非常濃郁，加埋佢嘅蜂蜜一齊食，幸福滿瀉，蜂蜜同pancake嘅配搭可以話係天衣無縫，仲有雲呢拿雪糕俾你溝埋一起食，雙重滋味，正！