Goobne Chicken (M88) (已結業)

好耐之前嚟過呢間度食，近排再嚟多次，試咗三款口味嘅雞，普遍來講，雞就冇咩雞味嘅，但調味普遍都係偏甜，甜辣同醬油都係幾甜嘅。另外試咗一款辣椒味，餐牌上面寫佢嘅辣都係三隻辣椒，點知食落去，一啲辣味都冇，連鹹味都冇乜，所以好淡，不過勝在個雞皮叫做烤得幾脆，唔想食炸雞來講，係一個幾健康嘅選擇。飲品方面，就叫咗兩杯米酒飲品，都係偏甜。如果下次嚟食，可能叫嗰啲同芝士一齊嘅雞應該會好食啲，或者叫啲其他嘅湯品或者小食。